TimelessMacedonia: 2016

Македонија

Македонија, или официјално Република Македонија — држава сместена на Балканскиот Полуостров. Земјата е една од наследничките држави на поранешна Југославија, од која прогласи независност во 1991 година. Република Македонија зафаќа околу 38% од вкупната површина на регионот Македонија. Географски земјата граничи со Србија (и Косово) на север, Бугарија на исток, Грција на југ и Албанија на запад. Релјефот на државата е главно планински. Иако континентална држава, таа има повеќе од 50 езера и шеснаесет планини повисоки од 2.000 метри.

Македонија е суверена^[8], самостојна^[9]^[10], демократска^[11]^[12] и социјална држава^[13]^[14]. Главен град на државата е Скопје со население од 506.926 граѓани (проц. 2004). Други поголеми градови се: Битола, Куманово, Прилеп, Тетово, Велес, Штип, Охрид, Гостивар, Струмица, Кичево, Кавадарци и Кочани. Македонија има вкупно 25.713 километри квадратни во кои живеат околу 2.114.550 жители (проц. 2009), од кои мнозинството се Македонци. Официјален јазик е Македонскиот јазик, додека официјална валута е Македонскиот денар.

Во 1993 година, Македонија стана членка на Обединетите нации, но поради спорот со името кој го води со Република Грција, примена е под привремената референца Поранешна Југословенска Република Македонија. Македонија е членка и на советот на Европа. Од декември 2005 година исто така е и кандидат за приклучување кон Европската Унија и има аплицирано за приклучување кон НАТО.

Дел за Македонија

Основање
Главен град (и најголем)		Скопје 42°00′ СГШ 21°26′ ИГД
Службен јазик		Македонски^[1]
Народности (2002^[2])		64,18% Македонци 25,17% Албанци 3,85% Турци 2,66% Роми 1,78% Срби 0.84% Бошњаци 0.48% Власи 1,04% други
Демоним		Mакедонец
Уредување		Парламентарна Република
•	Претседател	Ѓорге Иванов
•	Привремен премиер	Емил Димитриев
•	Античка Македонија	825(?) - 146 г.п.н.е.
•	Самоилово царство	976 - 1018
•	Крушевска Република	3 - 13 август 1903
•	Објавена независност од СФРЈ	8 септември 1991
•	Официјално призната	8 април 1993
Површина
•	Вкупна	25.713 км² (148^ма)
•	Вода (%)	1,9%
Население
•	проценка за 2014^[3] г.	2.067.471 (142^ра)
•	Попис 2002	2.022.547
•	Густина	82,2 жит/км² (116^та)
БДП (ПКМ)		проценка за 2014 г.
•	Вкупен	$27,72 милијарди^[4]
•	По жител	$11,34^[4]
БДП (номинален)		проценка за 2014 г.
•	Вкупно	$9,569 милијарди^[4]
•	По жител	$13,400^[4]
Џини (2011)		35.2^[5] среден
ИЧР (2013)		▲ 0.732^[6] висок · 84-та
Валута		Македонски денар(`MKD`)
Часовен појас		CET (UTC+1)
•	(ЛСВ)	CEST (UTC+2)
Се вози на		десно
НДД		.mk .мкд
Повик. бр.		389
Светец-заштитник		Свети Климент Охридски^[7]

Топ 10 туристички места во Македонија

-Македонците главно ги знаат најпознатите туристички дестинации во земјава, но многу ретко ги посетуваат. Сe уште за поатрактивни ги сметаат дестинациите во регионот и општопознатите светски дестинации. “Капитал“ направи рангирање на десетте најатрактивни и најпосакувани туристички дестинации во земјава! Можете ли да одговорите на прашањето колку езера има во Македонија без да го искористите пребарувачот на Google?. Некој од вас сигурно ќе каже дека имаме три езера, мислејќи на големите природни езера Охридско, Преспанско и Дојранско Езеро. Друг сигурно ќе каже дека заедно со вештачките имаме 10, 50, 80... Ако некој странец ве праша што треба да види во Македонија, најчесто имате два или три одговори – Охрид, Маврово, Скопје... Ако ве праша по што е Македонија, на пример, единствена во светот, знаете ли да кажете? Колку манастири или цркви имаме? Многумина ќе кажат многу, а повеќе од половина не знаат да набројат повеќе од два и не знаат да објаснат како да се стаса до нив. Колкумина од вас биле на Беровско или на Дебарско Езеро, на Струмичките Водопади, сте ја виделе ли прекрасната пештерска црква во Радожда, Свети Јоаким Осоговски и куп прекрасни македонски манастири? Сте ги посетиле ли археолошките локалитети и старите градови и знаете ли дека во Македонија ги има за извоз? Сигурно па не знаете.

На прво место би го ставиле Охридското езеро.

Прекрасното езеро, кое важи за едно од најстарите езера во Европа, стариот град кој е заштитен од Унеско, манастиротСвети Наум, катедралниот храм Света Софија, пештерската црква Свети Михаил (од 13 век) во селото Радожда, Трпејца,

Струга.Вевчаниските Извори и познатиот карневал кој се одржува таму се само дел од локациите кои го прават градот Охрид и неговата околина дефинитивно најатрактивна и најпосакувана дестинација и за домашните и за странските туристи.

На второ место Националниот Парк Маврово

Планината Бистра со својата живописност, Галичник и позната Галичка свадба, копаничарските ремекдела и манастирот Свети Јован Бигорски, питорескното село Јанче, кое прераснува во жив музеј на традиционална архитектура, Дебарските Бањи, скијачкиот центар, Мавровското Езеро, реката Радика, придонесуваат овој регион од земјава да биде вицешампион на листата на “Капитал“.

На трето место градот Скопје

Главниот град на Македонија и статистички важи за една од најпосетуваните туристички и бизнисдестинации. Дестинации кои, секако, треба да се видат во Скопје се познатото Дебар маало, вештачкото езеро Матка, тврдината Кале, Старата скопска чаршија, манастирот Свети Пантелејмон, Даутпашиниот амам, црквата Свети Спас, пештерата Врело... сите објекти кои с еизградија во Скопје последниве години се доплнување на идентитетот со европски обележја и амбиент.

На четвртто место градот Крушево

Највисок град на Балканот. Прекрасна клима, скијачки центар и одлични можности за планински велосипедизам се едни од

главните адути на ова гратче, кое е атрактивно во кое било време од годината. Неговата атрактивност значително се зголеми последните неколку години, откако таму почна да се организира манифестацијата Крушево етноград и отворањето на Споменкуќата на македонската ѕвезда Тоше Проевски.

На петто место градот Битола

Градот со специфичен медитерански амбиент, кој повеќе е свртен кон Солунското пристаниште и кон Медитеранот

отколку кон континентална Европа, сместен во пазувите на Пелистер. Во него се наоѓа и познатиот локалитет Хераклеја,

основан од македонскиот крал Филип Втори во 349 пр.н.е. Неизбежно место во градот кој е познат и по филмскиот фестивал Манаки, секако, е и шеталиштето Широк сокак.

На шестто место е Преспанското Езеро

Питомо езеро, национален парк со богата флора и фауна. Главна атракција е единствениот остров во земјава,

Големиот град, место со специфична гравитација, а познат и како островот на змиите. Во овој крај е и селцето Брајчино, познато по

својот брз развој на селски туризам...

На седмо место е градот Струмица

Смоларските Водопади, бањата Банско, манастирите во Водоча и Вељуса, водопадите во Колешино, планината Беласица се главните адути на овој регион, кој го сврстуваат во оваа листа. Близината до

две граници го прават атрактивен и за шопинг туризам.

На осмо место е градот Тетово

Шарената џамија, една од најуникатните во Европа, манастирот во Лешок, Арабати баба теќе, скијачкиот центар

Попова Шапка,

најмалиот етнолошки музеј во светот лоциран во Џепчиште го прават овој регион излог на културни различности, со големи можности за развој и на летен и на зимски туризам.

На деветто место е градот Кратово

Подигнат на некогашен вулкански кратер, со восхитувачки градбикули, мостови и подземни тунели.

Тука е и природниот феномен камениот град Куклици, стар 10 милиони години, древната опсерваторија и светилиштето Цоцев Камен, ротондата во Коњук...

На десетто место АРХЕОЛОШКО НАОЃАЛИШТЕ СТОБИ

Античкиот град е лоциран во плодната долина северозападно од градот Неготино, кој сe повеќе важи за атрактивна дестинација за вински туризам. Со истражувањата под неколкуте градби во централното подрачје на подоцнежниот

град, констатирани се слоеви од *III и *II век п.н.е., а пронајдени се бронзени предмети од класичниот и од архајскиот период, како и поединечни керамички предмети од неолитскиот период. Се претпоставува дека градот бил основан во

359 г. п.н.е.

Интересни факти за Македонија

Во Македонија се наоѓа единственото европско наоѓалиште на рубини; Македонскиот рудник Алшар на планината Кожув е единственото наоѓалиште во светот на талиум и потенцијален “рудник” на еколошки чиста енергија; Најквалитетниот опиум на светот е македонскиот; Пештерата Пешна во Македонски Брод во “Њујорк тајмс” е опишана како идентична на измислените пештери во филмот “Господарот на прстените”; Во темелите на манастирот Света Богородица Пречиста, Кичевско, има дел од крстот на кој е распнат Исус Христос; Музиката во Македонија датира од 11 век; Најстарото дрво во Македонија, платанус ориенталис во Охрид, познато како “чинарот“, расте од времето на Свети Климент Охридски во IX век; Лесновскиот манастир е Прва монашка република на Балканот; Според археолозите и геолозите во Македонија траги на живот има уште од времето на плиоценот, т.е. пред првата ледена епоха.

TimelessMacedonia

Translate

Thursday, 10 November 2016